القائمة الرئيسية

الصفحات

أفضل طرق الربح من قناتك على اليوتيوب على الأطلاق

أفضل طرق الربح من قناتك على اليوتيوب على الأطلاق
مرحبا , أغلب اليوتيوبر ( اصحاب القنوات على اليوتيوب ) العرب يعتمدون على ارباح اليوتيوب الي من خلاله يطورون معداتهم ويعيشون حياتهم حتى يواصلون المسيرة على اليوتيوب و يدخللهم دخل وبنفس الوقت يقدمون فائدة للجمهور لأن كل شخص يحمل رسالة ويا غايته يوصله للناس حتى تتوظح وتفيد الناس أو المجتمع بشكلً عام .
تحقيق الدخل من اليوتيوب فقط قد ميساعدك وميكفيك اذا كان عندك مصور ومونتير خاصين بيك فلذلك أكو طرق اخرى تساعدك على زيادة مدخولك من اليوتيوب وبالتالي تسد حاجتك وتوفرلك مال أكثر حتى تقوم بالتطوير بشكل أكبر .
هذه الطرق حلخصه بهذه النقاط الأتية وهي كله عبارة عن اعلانات غير نقطة واحدة فقط :
1. الأعلانات : الأعلانات نكدر نقسمه لعدة أقسام بمسألة الربح من اليوتيوب فحتكون كالتالي :
أ. أعلانات اليوتيوب : هذه الكل يعرفه وهي طريقة أساسية .
ب. أعلانات التطبيقات والألعاب : حتى اذا كنت تقدم مقاطع ترفيهية فالعديد من التطبيقات و الألعاب حتعلن بقناتك وتدفعلك واذا ما توصلت بعرض سابق من تطبيق أو لعبة فبكل بساطة ميعرفوك حتى يقدمولك عرضهم فلازم أنت تتواصل وياهم وتعرفهم بنفسك لأن اليوتيوب عالم ضخم وليس بالسهولة أنو يتصفحون كل القنوات ويتواصلون مع أصحابها .
ج. أعلانات المنتجات : 100% كل قناة على اليوتيوب تكدر تنشئ أعلانات لمنتجات معينة حسب التخصص مثلاً قناك أو قناتج مختصه بالـتجميل والميك أب فتجيك أعلانات عن منتجات للتجميل وصدك أنو متوفرة بكثرة لكن ببساطة ميعرفون حظرتك فلازم تتواصل مع الشركات وتعرفهم بنفسك حتى يقدمولك عرض . وهذا الأمر يشمل جميع أنواع القنوات مثلاً القنوات المختصه بالسفر والتنزه تكدر تعلن عن شركة طيران محددة وهكذا هذه مجرد أمثلة بسيطة .
2. التجارة : تعتقد أنو متكدر تصبح تاجر من خلال قناتك على اليوتيوب ؟ للأسف أعتقادك خاطئ لأن أغلب القنوات بالوقت الحالي تقوم بالتجارة ولكن بدايةً بشكلً بسيط فمثلاً دنشوف منتشرة عند كل يوتيوبر ظاهرة أنو يطبع لوجو قناته أو عبارة مشهور بيهه على T-Shirt أو قبعة أو غيرها ويقوم بعرضهن على امازون أو غيره من المتاجر أو يبيع بشكلً مباشر هذا وضع قدمة في طريق التجارة وبدء بداية جيدة وناجحة وتكدر أنت كذلك أخترعلك فد جملة وأشتهر بيه وأطبعه وبيع أو استخدم اللوجو اذا كان مميز .
أكدر أكتبلكم عدة طرق أخرى لكن هذه الطرق نجاحه مضمون والتجارب الي شفناهه كله ناجحة بأمتياز وأنت هم تكدر تنجح بيهن بكل سهولة عزيزي اليوتيوبر الجميل .
بالنهاية أتمنى للجميع التوفيق في مسيرتهم اليوتيوبية وتحقيق النجاح الباهر دمتم في أمان الله .
مقالات مميزة أخترتها لك :
هل سيتم تعطيل تحقيق الدخل على قناتي اذا تركتها ؟
من الافضل العنوان الطويل ام القصير لفيديوات اليوتيوب ؟
author-img
محمد ستار, مدون تقني من العراق عاشق للتكنولوجيا وكل مايتعلق بها وأمتلك شغف كبير في هذا المجال وأطمح أن تكون مقالاتي ومواقعي هي الرقم 1 على مستوى العراق أولاً.